Si Kapitan Bola prt 3

PANGALAN/ALIAS*:	rpc_halang
URL:
TANONG*:	Sir Akoni, magandang araw (gabi) sa iyo. isa ako (kasama ang mga dati kong ktrabaho) sa masugid mong taga subaybay simula nung napasok ko site mo. hehe ano na po ang nangyari kay Kap Bola? bitin kami dun, kelan kasunod? hehe. dito din nga pla ako ngayon sa KSA, dito sa Riyadh. sana ay marami ka pang maipost dito sa site mo na mga makabuluhang istorya para mawala ang home sick. God bless! Rez

Matagal na ‘yan sa inbox ko, at hindi ko alam na mayroon palang sumusubaybay sa mga kuwento ko. Hindi ko alam kung magsasaya ako o kakatayin ko nalang 'tong roommate ko, basta naligayan ako, siyempre as usual parang orgasm na naman. Oo nga pala, pasensya na dahil bihira lang ako ngayon magkwento (naks), at dahil nagrequest ka ng kapitan bola, umasa kang pipilitin kong taposin ang kwento kahit magkaalmuranas pa ako. Sa totoo lang, hindi ko pa alam kung paano 'yan tataposin. LOL

 

Maraming Salamat Ulit, salamat sa mga messages mo sir, ingat lang baka magka-inlaban tayo.

Sa mga gustong makiride on sa trip ko, nandito ang part 1, tapos dito ang part 2 at narito na ang part 3.

Costume ni KAPITAN BOLA

Sa akin paglalakad, hindi parin mawala sa isip ko ang matanda, kinilabotan tuloy ako dahil parang nakikita ko ang paglalandi niya sa akin. "Haayyyyy-eow, weird" usal ko. Nagpatuloy na ako sa aking paglalakad hanggang sa biglang may sumulpot sa harapan ko, mga nasa 10 meter ang layo nito sa akin. Hindi ko alam kung matutuwa ako o matatakot, dahil isa itong taong palaka. Kulay green, yellowish ang sa tiyan niya na malaki, malapad ang mukha, malaki ang ulo, malaki din ang bibig nasa isang dangkal ata, basta mukhang palaka.

"KEroKEroPEPE!!waaahhhh……ako’y nagugutom..waaaahhh…Ikaw, mukhang yummy ka! Kakainin kita, mmmmeehehehehehehe" Shit ng palaka.

"Ha? Ano ako, insekto?!! Ayy teka, dapat ganito maging reaksyon ko, 1, 2, 3...aaaaaaahhhhhhhhhh!!!" Sigaw ko.

 "KEroKEroPEPE....wwwssssssssssshhhhhhhhhhhhhhhh…Haaaaaaaaa…" Nag-Oppa nganga style siya at naamoy ko ang hininga niya.

"Aaaaahhhhh...aaaammmmmbbbbaahhhhhoooo" Reaksyon ko.

"Ouch! KEroKEroPEPE..ano sabi mo sa aketch? Mabaho hininga ko? kakahurt ka naman, sempre gutom ako e." Pagmamaktol ng taong palaka.

"SORRY" ako.

"Pero, kakainin parin kita. mmmeeeeyyyhehehehehehehe—you can run, but you can’t hide! meoowhehehehe" Sabi ng taong palaka.

"Ulol! Walng originality, gaya-gaya ng linya.”  Sabi ko sa kanya at tumakbo na ako.

Paglingon ko sa kanya ay biglang nilawit ang pagkahaba-habang dila nito at inaabot ako, pero mabilis ang takbo ko at nakakailag ako. Dahil sa hindi ako maabot ng kanyang dila, bigla ito huminto at buwelo, at biglang talon, napatili ako.

“Ayyyy puking palaka ni Kaka!!!” Tili ko na tumakbo parin ako.

Sakto ang pagtalon niya, dahil nasa harapan ko na siya, mga nasa 8 meter nalang.

"Sluprs" paglawit ng dila ng palaka, "Ilag" reaksyon ko, "Slurps-Ilag-Slurps-Ilag" Repeat 4x

"Eooww kader-der, ano bang dila ‘yan?" Sigaw ko sa kanya.

"Mapapasaakin din ang katawan lupa moooo…(trruusssppppp!!!!Lawit pa ng dila niya)" - Kokak

"Tullooooonnnggg, puuulliiiiisssss, Iiinaaayyyyyyyyyyyyy" Paghingi ko ng saklolo pero parang walang tao sa paligid.

Dahil sa paghingi ko ng tulong, biglang may narinig akong boses, at malakas ito. 

*Gamitin mo ang kapangyarihan mo Akoni, gamitin mo!* Sabi ng boses. 

"Ha? sino ‘yun? Kapangyarihan? Ano naman ang kapangyarihan ko?" Mga tanong ko at napalakas ang boses ko kaya napatigil ang halimaw sa harap ko.

*Gamitin mo tanga!!mag-isip ka!* Sabi ng boses uli, pero ang pinagtataka ko, ito’y kaboses ko.

"Aba’y tanga ka din, namputcha naman, sino ka?" Pagalit kong sabi na palingon-lingon sa paligid.

"Teka lang itchuserang palaka, may bumubulong sa akin eh, nakakainsulto na, time out muna tayo" Pakiusap ko sa palaka.

"Okies..pagod na din ako sa kakadila sa’yo. Umiilag ka naman e" Sagot ng taong palaka na parang may tampo.

Patuloy parin ang boses na naririg ko.

"Naririnig mo ba ‘yun?" Tanong ko sa palaka.

"Adik kaba? Wala akong marinig kundi ang ingay ng tiyan ko dahil sa gutom. Magpakain kana kasi sa akin ayyyiii, Hmp! Ano game na ba?" Sabi ulit ng palaka at nag-ipon na ng lakas, handa ulit subokan kainin ako.

"Sandali nga lang, ‘wag kang epal. Rest ka muna dyan" Sita ko sa kanya, at nakita kong nagtaas ng kilay ang palaka.

*Gamitin mo ang kapangyarihan mo ogag. Meron kang kapangyarihan, nagising ang natutulog mong kukote. May kukote kana, gamitin mo!* Sabi ulit ng boses, at sobrang nagtataka parin ako dahil pakiramdam ko ay ako ang nagsasalita, parang galing mismo sa akin ang boses.

"Sino ka?” Bulong ko sa aking sarili.

*Ako’y ikaw, ikaw ay ako tanga! Ako ang kukote mo, nagkaroon ako ng sariling buhay* sagot ng boses

"Aaahhh ewaann..tumigil ka na sa kakabulong mo sa akin..waaaaahhhhhh" Sigaw kong malakas.

"Hoy adik!! Game na ako..game kana ba? Iniisnab mo ako ha..itong sa’yo" Naghanda na ulit ang palaka.

"KEroKEroPEPE, nakapahinga na ako, lalapain na kita. Waaaahhhhhhhh..trruusssppppp!!!!!!!!(nilawit nanaman ang mahabang dila sa akin)"

Papalapit na sa akin ang dila niya nang biglang may humawak rito, isa na naman nilalang ang biglang sumulpot sa pagitan namin ng taong palaka. Pero this time hindi isang halimaw, kundi isa atang diwata dahil sa taglay nitong kagandahan. Napanganga ako, isang napakagandang babae, tumulo lalo ang laway ko nang makita kong naka-two piece lang siya. 

"Sino siya? Ang ganda naman niya at ang sexy pa" laway dila ko.

"Ako si Liwanag, narito ako para tulongan kang puksain ang kasamaan" Sabi ng mahiwagang babae

"Ha? Liwanag??!!darn!!!!!!!cool..go,go,go….ihampas mo sa pader ang itchuserang frog na ‘yan" Sigaw ko sa tuwa.

Wala pang ginagawa ang mahiwagang babae ay bigla nalang umalis ang taong palaka, nagtatalon ito sa takot. Papunta na ito sa city.

"Sumakay ka sa akin, habulin natin ang taong palaka bago pa man may masaktan o makain" Sigaw sa akin ni Liwanag na sa oras na 'yon ay parang naghahang akong nakatitig sa kanya dahil sa sobrang ganda niya.

"Sasakay ako sayo? Bakit nakakalipad ka? Ha?ha?" Pabalang na sagot ko sa kanya, dahil naputol ang pantasya ko.

"Oo dahil may kapangyarihan ako. Bilisan mo, baka hindi na natin maabutan ang palakang iyon, kailangan mo siyang mapatay" Utos niya sa akin.

“Ha? Bakit ako? Bakit hindi ikaw? Ikaw nga itong may kapangyarihan eh” Paliwanag ko sa kanya dahil natakot ako sa sinabi niyang ako ang pupuksa sa halimaw na ‘yon.

“Basta ikaw ang dapat pumuksa sa kanya, hindi ako puwedi, mamaya ko na ipapaliwanag sa’yo” Sabi niya at nagpose na siyang lilipad na napanganga naman ako dahil ang ganda niya, shit.

"Bakit hindi ka pupuwedi, regla mo today?" Tanong ko sa kanya at nagsimangot si Ligaya kaya umangkas nalang ako sa likod niya.

Nasa likod na ako ni Liwanag habang nasa ere kami,

“Nakakalipad nga siya, mayroon nga siyang kapangyarihan” sa isip ko.

Nakayakap ako sa kanya, at inaamoy ang buhoy. Grabe ang bango niya...kaya pinikit ko nalang ang aking mga mata, ang sarap ng pakiramdam ko.

"Alisin mo ‘yang kamay mo sa dibdib ko kundi ihuhulog kita" Medyo gumiyang ang lipad niya at lalo tuloy ako napapisil sa dibdib niya.

"Oh, wag kasi...ayan napahigpit pisil ko tuloy, hehehe. Sorry mali lang nakapitan ko. hehehe" Palusot ko.

"Haayy naku, diyos ko. Bakit siya pa?" Sabi ni Liwanag at hindi ko na yun pinansin.

Ilang saglit lang ay nahanap na namin ang taong palaka, hinabahol ang mga tao…….lumapag kami sa tuktok ng building, nang biglang may narinig na naman akong boses.

“Ungas, may kapangyarihan ka, hindi mo lang alam..gamitin mo” Sabi nito.

“Baka tama ang naririnig kong boses baka may kapangyarihan nga ako dahil don sa nangyari” Sa isip ko.

“Ulopong, pabulong-bulong kapa dyan e naririnig din naman kita...meron kang kapangyarihan, gamitin mo kasi” Sabi ulit ng boses.

“Tangna na’to!” usal ko at napatitig sa akin ng masama si Liwanag kaya nagsign peace ako sa kanya.

“Ok, gagamitin ko na kung ano man un” Bulong ko.

“Liwanag, sabi mo ako ang dapat pumuksa sa halimaw na ‘yon diba? Now watch me my dear, mwah!” sabi ko sa kanya na may halong landi.

“Dapat lang bago pa niya kayo maubos, kayong mga tao.” sagot niya sa akin na nagpaalog sa isip ko.

“Hindi siya tao?” Sumaglit sa isip ko

“Okay, I think I am ready na, huh, huh, huh.” Pagiinarte ko na parang Kris Aquino, pampawala ng kaba.

Nag-inat na ako at bigla akong tumalon sa building………

“Eyyyeeaaaaahhhhh..ayan na ako taoooong paaaalaaakkkaaaaa..waaaahhhh” sabi ko na nakasuperman pose ako.

“HOY!!!BAKIT KA TUMALON????!!!!!” Malakas na sigaw ng boses sa akin na halatang gulat na gulat.

“Sabi mo, may kapangyarihan ako, lilipad akooooooo….waaahhoooooooooo” sagot ko pero kinabahan ako dahil pabulusok sa lupa ang direction ko.

“AYYY TANGAAAA!!!!!!ANG TANGA MO TALAGA!! SINABI KO BANG MAKAKALIPAD KA??!!” Galit na sabi ng boses.

“Isip ang kapangyarihan mo ungas…mga salita ang kapangyarihan mo...pambobola ang kapangyarihan mo. Tangnan Style na ‘yan!!!” Galit parin ang boses.

“ANO??!WAAAAHHHH…NAKANAMPUTCHA, HINDI MO SINABI…LIIWAANAAAGGGG!!!! TUULLLOOOONGGGG!!!!!!” - Akoni

Itutuloy………….

Share