nuffnang

Friday, February 22, 2013

Dear Kuya Mark Zuckerbkafndreg



-Sulat ko ito mula sa FACEBOOK FAN PAGE ko (Naks ako na ang may FB fan page), sa mga mahihilig ng mga nakakatuwang litrato na ninakaw kung saan-saan lang, pero minsan lang naman ay nakakapost ako ng sariling gawa ko. 

-Matagal na ito don sa FB Note ko, at dahil wala akong maipost dito, repost ko nalang ito.

iTo nA!


SUGGESTION LANG FACEBOOK


Kanina pagkatapos ko magbanyo at patulog na sana ako nang biglang umandar ang gilingan ng kalokohan sa utak ko, kaya napabangon bigla, nagkamot ng kuyukot at inamoy. Mga ganitong pagkakataon kasi ay hindi ko dapat palanpasin, dahil bihira na talaga ngayon gumiling ng kalokohan ang utak ko, nagkakalawang na ang makina. Kahit nga panghuhuli ng mga ligaw na guni-guni ay hirap na hirap din ako at bago pa mapunta sa kung anu-anong katsuktsakan itong mga pinagsasabi ko ay uumpisahan ko na ang dahilan kung bakit naudlot ang paghihiwalay ng katawan at kaluluwa ko pasamantala.

Ito’y dahil sa FACEBOOK.

Hindi ko na kakailanganin pa ng explanation tungkol dito, ang dami na natin nabasang blog o sulat na ang topic ay tungkol sa facebook. Siyempre, meron din ako noh? Pero kakaiba ito, hindi ito tungkol sa kaadikan o mga nangyayari at nagaganap sa facebook, hindi ito tungkol sa pagpopost sa status ng mga drama o problema sa love life o ang tungkol sa kapangitan ng kaibigan mo, at hindi ito tungkol sa pagpopost ng mga….ewan alam na niyo ang mga ‘yun. Ito ay suhestiyon ko sa facebook. Oo ako na suma-suggestion kay kuya Mark Zuckerberg.

May dalawa akong suggestion na sana mayroon o magkaroon ang facebook.

Una, Sana may expiration ang "Facebook Friends"

Kailangan after 6 months ay mag-send sayo uli ang friend mo ng request na gusto pa niyang maging Facebook Friend mo, kung hindi ay automatic na itong madedelete sa friend list mo. Ang astig at angas lang nun, diba?

Ganun, ganito 'yan....

After 6 months ay may notification na lalabas na "Renew your friendship with Akoni" ganyan. Tapos pagclick mo ay may button na "YES" at "NO". Pag YES ang pinili mo, automatic na itong magsesend ng notification sa akin na gusto mong mag-extend pa ang pagiging facebook friends natin. Pagkarecieve ko naman at pagclick sa notification, may lalabas din na button na "Allow" at "Dump". Pag allow ang pinili ko, ibig sabihin ay gusto pa kita ulit maging friend sa loob ng anim na buwan. Kung Dump, ibig sabihin ay gusto na kitang itae, gusto na kitang mawala sa facebook friends ko, automatic kanang madedelete. Pero puwedi ka pa naman magsend ulit ng friend request sa akin, may second chance parin.

Sa ganyan paraan ay maiiwasan natin maging dekorasyon lamaang sa “friend list” ng iba. Malalaman mo pa kung sino ang ayaw nang magrenew ng facebook friendship sa'yo, LOL. Tapos puwedi kang mag-inarte, dump ka lang ng dump sa mga ayaw mong ma-extend ang friendship sa facebook.

Sa ganitong paraan din ay magkakaroon ng bonding ang mga users ng facebook, siyempre kailangan nilang kaibiganin talaga ang mga nasa friend list nila lalo na yung mga crushes o gusto nila, kailangan maging mabait sa lahat para hindi ma-DUMP after 6 months. Kapag may ganito na, sigurado ako ang totoong magkakaibigan lang ang magiging magkafacebook lamaang, diba? At sigurado ako na kapag may ganyan na ay maraming mabubuong pagkakaibigan sa facebook, hehehe.

2. Sana may kasamang explanition ang bawat friend request.

Ang astig at ang angas lang, kapag magsesend ka ng friend request sa isang tao, kailangan mo magpaliwanag ng hindi lalagpas sa 60 words at hindi bababa sa 50 words kung bakit ka nagsend ng friend request sa kanya. Required yan, hindi masesend ang friend request kung walang kasamang explanation.

Sa ganyan paraan ay maiiwasan ang sunod-sunod na friend request galing sa kung sinu-sino nalang na hindi mo kakilala. Mapapagod pa magpaliwanag ang mga taong walang ginawa kundi magpadami ng facebook friends, inaadd kahit sino para lang dumami ang friends nia. Sa una palang ay malalaman mo na kung kakilala mo ang nagrerequest o gusto lang makipagkaibigan.

Kung pakikipagkaibigan lang naman ang intention mo, ilagay mo sa explanation box na gusto mo siya maging kaibigan, na hindi mo siya kilala pero gusto mo siyang kaibiganin, makiusap ka, diba?

Example:

Hello, ako si Akoni, hindi kita kilala at hindi mo rin ako kilala pero nagsent ako ng friend request sa’yo dahil gusto kitang maging kaibigan. Maraming salamat! At dahil kailangan umabot ako ng 50 words, kunwari ay may sinasabi pa ako dito sayo na may sense. Sana ay accept mo ang friend request ko. Mwah!

At kung kakilala mo naman, magkwento ka sa kanya kung bakit nagsesend ka ng friend request sa kanya.

Example:

Walang hiyang kamote na yan, ikaw pala ‘yan? Hahahaha, hanep ah…hindi ko akalain na maaaring magmukhang tao pala ang kamote. Langya, dati eh kulay champorado ka Lang pero ngayon kulay champorado ka parin pero may gatas Na, hahahaha. Batik-bati na mukha mo, black and white na. HOY accept mo friend request ko hayop ka.

Oh diba ang astig, magkakaroon ng explanation box ang friend request at magkakaroon ng expiration ang facebook friendship?


Oo, naisip ko pa 'yan. Ganito lang talaga kapag napadami ang nakain na betsin.

~~~~~~

-Oh ayan, sa mga nag-aabang ng update ko rito sana ay nag-enjoy kayo at may natutunan kayo ng kunti. Hehehe. At sana nasagap ninyo ang mensahe na gusto kong iparating.



11 comments:

  1. IBALIK ANG FRIENDSTER! slash meebo slash ano ngyari kay multiply? slash bakit blue si facebook?

    ReplyDelete
    Replies
    1. Namimiss ko ang MEEBO...hehe..ang Friendster hindi ako naging active don, wala lang sa akin. Mas lalo na ang multiply, ano yun???ehehe. Blue ang facebook dahil mga feeling blue ang kadalasan pinoposte ng mga users. :)

      Delete
  2. k. sagot ni kuya mark. haha

    for the first suggestion, may point ka dun.. kasi dami nga naman stagnant or even wapakels na mga nasa friends' list, lalo na yung mga nangsstalk lang naman.. pwede.. pwede yang expiration mode...

    for the second one, kinda awkward, its like youre gonna make lapit to someone and gonna make apply ng job.. job of friendship? merong eligibility, and that would bounce back to you, what can you offer as an fb friend????

    ...hehehe.. just saying... good morning!

    ReplyDelete
    Replies
    1. Hi, hello. Apir tayo sa una. hehe..Dapat talaga magkaroon niyan, kasi minsan may chat ako, nag hello ako..eh putcha, sinagot ako ng hu u po? baliw lang.

      Sa pangalawa. HIndi naman siguro awkward, kasi para malaman na kakilala mo siya. hehe. para accept agad. Nagpapakilala lang. Wala akong maioffer pero puweding makabuo tayo ng isang "tunay na Friendship" charot. ehehe

      Delete
  3. tumpak at may sense ang iyong mga kaisipang naibahagi... galing... wais!

    ReplyDelete
  4. gusto ko ung may expiration ang friend request. tama yan!

    ReplyDelete
  5. ang ganda ng idea mo dun sa expiration ng facebook friends ha. kahit medyo kailangan ng effort go pa rin.

    ReplyDelete
  6. Facebook is a business, they practically won't implement this unless they'd see this as beneficial for them, money wise. :)

    Parang unlike button lang, parang forever never gonna happen ito.

    Gusto ko yung explanation pag may friend request!

    ReplyDelete
    Replies
    1. Hindi naman ata makakaapekto sa business nila. I mean walang users na mawawala. :) Pero may point ka, malaki. Naisip ko lang yan dahil nung minsan may chat ako na FB friend ko, tpos reply sa akin ay HU U? LOL

      Delete
  7. Gusto ko yung una mong suggestion kuya tama nga naman. Ang dami ko ring friends na tambay na lang. Dun naman sa pangalawa dapat bawal ang copy paste baka naman kasi kung ano lang ilagay haha

    ReplyDelete
  8. matalinong suggestion sana balang araw makagawa ka ng isang social site na makakapagpatumba kay facebook haha

    ReplyDelete