Anak ng OFW

Isang buwan at labing anim na araw kana ngayon, siguro may sounds na mga tawa mo ngayon, last 6 days kasi nung nandyan pa ako sa tabi mo, tumatawa ka pero walang sounds, ngumingiti ka lang, pero alam mo ang kyut-kyut ng ngiti mo, un na ang pinakakyut na ngiti na nakita ko sa buong buhay ko.

Nandito na ako ulet sa Saudi Arabia, kakarating ko lang kanina. Grabe, parang first time kong aalis. Hangshakyeetttttttt!!! Mukha mo lang ang nasa isip ko, ung pinapadede kita ang hindi maalis sa isip ko, wag na ung pagpinapalitan kita ng lampin kasi tumae ka. Naiiyak na nga ako ngayon eh habang tinitipa ko 'to, oo iyakin si ako, hehehe.

Oo OFW ang papa mo, isa kang anak ng OFW. Alam ko darating ang araw, susumbatan mo kami, sasama ang loob mo sa amin at magkakaroon ng maraming katanungan sa isipan mo, lalangoy sa isip mo ang tanong na "Bakit?", kung bakit ka namin iniwan. Pero sana, marealized mo agad na hindi namin 'to ginusto, nangyari lang na anak ka ng OFW.

May lungkot sa akin puso ngayon alam mo ba 'yun? Mahirap man gawin mangibangbansa at iwanan ka ay sana makaya ko. Pagkat hangad ko'y magandang kinabukasan mo. Di ko ibig na ikaw ay iwan, nangyari lang na anak ka ng OFW, papa at mama mo ay parehong OFW.

Pasensya ka na ha? naging anak ka ng OFW. Dito na kasi kami nagkakilala ng mama mo eh, dito kana narin namin ginawa, taga-lamig pa nun eh, hehehe, ikaw ang tunay na katas ng Saudi Arabia, kaya wish ko lang na sana pagdumating ang araw na magtatanong ka kung bakit ka namin iniwan, at kung bakit wala kami sa tabi mo, sana maging mabait ka sa pagtatanong mo, dahil isa yan sa mga itatanong mo na masakit para sa amin na sagotin.

Ang dami ko sana gustong sabihin sa'yo ngayon, kaso natatae na ako, sa ibang araw nalang ha...sige, hanggang dito nalang muna....

Share