Idol ng tatay ko si BATMAN

Ang dami kong antok ngayon, sa sobrang dami, nagtimpla ako ng mainit na mainit na kape at gusto ko sana ibuhos sa katawan ko para magising ako, pero dahil magkakalat lang ako dito sa office hindi ko na sinubukan.

Magsusulat nalang ako, pero gaya ng dati walang topic, freestyle ika nga. Sunod daloy sa anuman papasok sa utak kong masikip, utak kong mabaho, utak kong madumi, utak kong maputik, diamond star?

Teka, sumasarap ang kape ko, higop muna ako ng tatlong beses….

*Cursor blinks*

Hindi ko na nahigop ang kape ko, tumawag bigla kasi ang asawa ng nanay ko. Reply niya sa text ko kaninang umaga, ganun ang asawa ng nanay ko, hindi yun nagrereply ng text, tatawag nalang sayo, feeling mayaman? Long distance pa naman.

Nagtext ako sa kanya kaninang umaga, kinakamusta ko kung nagpunta ba siya sa doctor niya. Last year ng September kasi ay na-operahan siya dahil nagkaroon ng butas ang stomach (sa loob) niya, kaya dalawang tahi siya, isa sa loob ng tiyan niya at isa sa labas. Medyo may katigasan din ng ulo ang asawa ng nanay ko, hindi daw nagpunta dahil sabi daw ng doctor niya, hindi makita ang sugat/tahi/whatever sa loob ng tiyan niya sa pamamagitan ng x-ray, ultra sound at ultra-gay?, ang paraan lang daw ay papadaanin sa kanyang bibig padiretso sa loob ng tiyan niya ang cam (?) o whatever na tawag don, ouch!

Natakot ang anak ng lola ko, ramdam ko ‘yun. Nakita ko kasi kung gaano siya nasaktan nung sa hospital kami, nung lagyan siya ng kateter (tama ba, mga nurse?) sa itits niya, naihian nga niya ang doctor, gusto ko sana maglaugh trip sa mga oras na ‘yun kaso nahiya ako sa nurse na maganda. Saka nung lagyan din siya ng hose na pinadaan mula sa ilong papunta sa stomach (ata, wala ako alam dito) ilang oras before siya operahanan, ewan para ata e-drained daw tiyan niya, tangina nila, parang gusto ko e roundhouse kick at e-kamehameha wave ang doctor dahil naiyak ang tatay ko, oo tatay ko siya. Ang tatay ko for the second time nakita kong naiyak, first time ko naakita nung mamatay nanay niya, at first time ko din nun makita ang itits niya and I was like, ewww!

Kaya hindi ko na siya pinilit na magpatingin sa doctor niya, sabi ko nalang, ikaw ang bahala, katawan mo ‘yan, ikaw ang tunay na nakakaramdam. Sabi niya, bahala na daw ang Diyos sa kanya, tanging diyos lang naman daw ang magpapagaling sa kanya. Doon na naman ako napakontra sa kanya, sabi ko, ‘tay, alam ko Diyos ang nagpapagaling sa atin, pero ‘tay hindi diretso magmamagic ang diyos para pagalingin ka. May paraan siya para gumaling ka, yun ang gagawan mo ng effort, hanapin mo ang paraan na ‘yun. Eh malay mo ‘yung paraan pala ay nasa doctor mo, edi hindi mo makukuha kung maghihintay ka lang dyan na gumaling.

Pero, idol talaga ng tatay ko si batman….!

Kaya nga may kasabihan na “Nasa Diyos ang awa, nasa tao ang gawa” at "Bahala na si Batman"

Share