Pang MMK

Dear Ate Charo,

Magandang gabi po sa inyo, alam ko pong sa gabi ninyo ipapalabas sana ito. Isa po ako sa nakakasubaybay ng inyong programa dahil po sa paborito ito ng aking may bahay, wala po akong choice kundi manood din dahil iisa lang ang telebisyon namin at kapamilya channel po ang asawa ko, alam ninyo naman po mahirap kumontra sa asawa lalo na kapag nasa bahay ka, teritoryo po nila yun eh.

Ang dahilan po ng pagliham ko sa inyo ay para ibahagi sana ang kuwento ko tungkol sa kapitbahay namin na kabit ng isang congressman, joke lang po. Sempre po tungkol po sa akin at nang aking kaibigang lalake, best friend ko po at hindi po ito kahalintulad ng kwento sa broke back mountain mubi.

Nagsimula po ang pagkakaibigan namin nung madiskubre ni Magellan ang Pilipinas. Alam ko po hindi ka naniniwala dyan, ‘wag po kayo mag-alala ganun din po ako dahil nagbibiro na naman po ako ulit. Pasensya po, ganito po talaga ako magsalita kapag kinakabahan, pero ito na po ang kuwento, promise.

Nagsimula po ang aming pagkakaibigan noong 1994, uso pa ang pomade noon at hanggang po ay matatag parin ang pagkakaibigan namin. Oh kayo na po ang bahalang mag-imbento ng kuwento ko, kung ano ang nangyari at kung ano ang title na papahulaan ninyo sa mga viewers. Basta nag-umpisa ang kwento na magkaibigan kami, tapos magtatapos po na magkaibigan padin kami.

Aabangan ko po ang kuwento namin sa programa mong magpakailanman.

Maraming Salamat

Share