Back to the past/future

 

From future

BACK TO THE PAST

Naalala niyo pa ba ung sinulat ko tungkol sa time machine? Ung kagustohan natin na makabalik sa nakaraan? Kung hindi pa, sundotin mo dito bebeh ko.

Akala ko kathang isip lang ang makabalik sa nakaraan, kathang isip lang ang mabalikan mo ang sarili mong nakaraan,  hindi pala, nangyayari na pala ito sa totoong buhay ng slight, sa amin mga OFW, oo pabalik-balik pala kami sa past at future.

Tuwing aalis kami ng pilipinas, parang naiiwan namin ang aming sarili sa airport, nappause muna sa aming utak ang mga alaalala, para kaming magta-travel papunta sa future.

Pagdating dito, inaalala namin lahat ng mga masasaya pati masasama/pagkakamila nagawa/nangyari sa amin sa pinas, parang nakaraan na masarap/mapait namin binabalik-balikan sa amin isip.

Dito namin lahat marerealized kung anu kami sa pilipinas nung nandon pa kami, dito namin marerealized na marami pala kaming dapat ipagbago, na kaya pala namin magbago, marami pala kami dapat gawin resposibilidad, marami pala nagmamahal sa amin, may pag-asa pala kami, may dapat ihingi ng tawad, may dapat patawarin, at kung anu-ano pa at si atbp, pati si etc. Ganyan kami o ako, parang nakaraan sa akin ang buhay ko sa pilipinas, which is talagang nakaraan un, LOL. Pero yon talaga ang feeling ko, nandito ako ngayon sa future.

Sa maniwala ka sa maniwala ka, nandito ako ngayon sa FUTURE. Ang pinas ang nakaraan ko o ang kasalukuyan ko na iniwan ko muna pasamantala. Ganito kasi yowwn, kaya ko nasasabi na nandito ako ngayon sa future ay dahil parang namumuhay ako sa future, paulit-ulit? Halos lahat kasi ng makikita mo dito ay wala pa sa pinas, parang future pa sa pinas, lalo na pagdating sa technologies, mga sasakyan, pagkain, tapos yong mga mura na dito sa pinas ang mahal pa, basta madami, advance dito ng kunti.

Kaya oo, nasa future ako ngayon, ang astig ko noh?

Nandito kasi ang future namin, ang future ko. Nandito ang future ng pamilya namin, nandito ang future ng mga mahal namin sa buhay, at si kung sinu-sino pa. Nandito ako para sa ikakaayos ng mga naiwan ko sa pilipinas, para sa ikakabuti ng kasalukoyan nila, ng pamilya ko at syempre ng sa akin.

Sa tuwing babalik (bakasyon) kami ng pinas, sakay ang time machine (airplane), ang saya-saya namin, iikot muli ang mga alaala sa amin utak, ang mga gagawin, at ang mga hindi na gagawin. May mga pangyayaring aayosin na namin sa amin pagbabalik o pagbisita, tataposin ang mga hindi natapos nun, dudugtongan ang mga nabitin na pangyayari nun, at aayosin na ang sarili.

Kapag nasa pinas na, at ayos naman ang kasalukoyan buhay, magdadalawang isip na kung babalik parin pa sa future o mananatili na sa nakaraan/kasalukoyan.

Masaya ako ngayon, dahil magtatravel na ako sa akin nakaraan/kasalukoyan. Sana maging maayos ang lahat, para hindi ko na kailangan “BACK TO THE FUTURE”.

Share