Time machine

Babala: Pananaw lang sa buhay, puweding kontrahin at puweding gagohin.


Matatapos ko na sana ang time machine ko kanina, as in isang turnilyo nalang ang kulang sa ulo ko, ilalagay ko na dapat sana e, as in inch lang, by inch lang pare’t mare at sppoooooofff….!!!! Its koko crunch time machine na sana, pero hindi ko itinuloy, nagbago ang isip ko, kaya ang ginawa ko, inihian ko nalang ang time machine ko sana, ayun lumuwa ang bituka ng makina.

Napaisip kasi ako, ano ba ang babalikan ko sa nakaraan? Bakit pa, kung maganda naman ang buhay ko ngayon? Bakit pa ako susulyap sa nakaraan ko, hindi naman ako sigurado na mababago ko ang kasalukoyan ko ngayon. Baka masira ko pa ang “ako” ngayon at mawala pa ang mga mahal ko sa buhay, ang mga kaibigan ko at lahat ng mga taong mahahalaga sa akin, ayaw ko silang isakripisyo dahil lang sa ambisyon at kaartehan kong makapunta sa akin nakaraan o para lang ibahin ang nakaraan ko.

Sasabihin mo sa akin, susulyap ka lang sa nakaraan? Fine, nakakasigurado ka bang hindi ka maaakit na bagohin ang makikita mong pagkakamali mo? Nakakasigurado ka bang hindi mo ulit mararamdaman ang sakit na naramdaman mo noon? Nakakasiguro ka bang hindi masisira ang kasalukoyan “mo” ngayon?  Hell NO, amen!

Mali man o tama ang mga nangyari sa akin sa nakaraan, hindi ko na dapat pang bagohin ‘yun. Dahil sa mga pagkakamali at mga tama sa ulo ko sa nakaraan ko ay ito ako ngayon, isang simply pero rock na tao,  hindi makinis at hindi magaspang, tama lang ang timpla, hindi pogi pero masarap, hindi matalino pero mautak. Ito ang gusto ko parang HBO lang, simply the best.

Pero oo, inaamin ko. Nangangarap pa ako ng higit pa dito sa buhay ko ngayon, pero hanggang doon nalang, kung matutupad, edi salamat ng bongga, kung hindi, edi tuloy ang pangarap, ganun lang kasimple ang buhay, tayo lang naman ang nagpapagulo nito e.

Satisfied at satissex pati satisseven na ako sa buhay ko, hindi ko na kailangan ang time machine para lang balikan ang mga pagkakamali ko sa aking nakaraan para ayusin at hindi ko na kailangan sulyapan pa, nandon na 'yun e, kung nagkamali edi hingi nalang ng patawad, ang mahalaga sa akin ngayon ay ang kasalukoyan ko, aayosin at pagbubutihan  ko nalang para maging maganda ang hinaharap ko hindi lang para sa akin kundi para sa magiging anak ko at mga mahal ko sa buhay. Sana nga lang 'yun ang naka-destined sa akin, amen!


Tama na sa akin ang isipin minsan ang mga pagkakamali ko sa akin nakaraan para kumuha ng lakas at maganda idea na puweding magamit sa kasalukoyan ko ngayon. Ayaw kong gulohin pa ang dating ako dahil kung mangyayari ‘yun, hindi na ako magiging ganito kasaya, walang makakagaranteya sa akin noon. Kahit ano man ang mangyari, AKONI.


Pero, hehehe, may pa-pero-pero pa akong nalalaman ah. Kung maganda naman ang nagyari sa'yo sa nakaraan at shet ka naman sa kasalukoya, ibang usapan na yun. TNT (Tawa Ng Tawa) sa susunod na blog ko na natin 'yan pag-uusapan, inaantok na ako. Hinihintay ko lang pumasok ang March 1, 2011. TNT


Loading...

Share