Blog-ibig page13

Blog 13: Conditional love

Sa buhay pag-ibig natin, isa sa pinakamasarap at masayang makamtan (lalo na sa lalake) ay ang makuha niya ang matamis na pag-ibig ng kanyang pinapangarap na tao (may hindi ba tao?), lalong lalo na kung patungkol sa unang pag-ibig o tinatawag na first love.

Kaming dalawa lang ni Kamil sa loob ng kwarto, hindi ko maitindihan ang nararamdaman ko, sobrang kinakabahan ako, nagpapanic na ako sa loob ko.

“Ano gagawin ko, ano gagawin ko?” umiikot na katanongan sa akin utak.

Nakaupo si Kamil sa silya na nakapatong  ang mga kamay sa table, may hawak na ballpen at may iginuguhit sa isang maliit na papel, pero napansin ko na walang tenta ang ballpen. Nakatuon lang ang pansin niya doon at ako naman ay nasa di kalayuan sa kanya na pinagnanasa pinagmamasdan siya. Tuwing iaangat niya ang kanyang ulo na parang susulyapan ako, ako naman ay kunyaring yuyuko o iiiwas ko ang aking paningin sa kanya na parang may hinahanap na kung ano sa kawalan.

Ilang minutong ganun lang kami, nag-aantayan kung sino ang unang babasag sa aming katahimikan. Naririnig ko ang palakpakan ng mga tao sa labas dahil sa selebrasyon na nagaganap, nasisilip ko sa bintana ang mga taong naglalakad at nagkukwentuhan. Malapit na matapos ang programa kailangan kumilos na ako, pagkakataon ko na para makapagtapat sa kanya ng harap-harapan. Huminga ako ng malalim, nilakasan ko ang aking loob, PILIPINO AKO!

Pagkalapit ko sa kanya ay ako na ang bumasag sa aming katahimikan,

“BLAAAGGZZZZ!!” basag ang katahimikan

Nakatayo ako sa kabilang table kung saan nakaupo naman siya sa kabila nito, pinatong ko ang aking kamay,

"ano yang ginagawa mo?" sabi ko sa kanya at napatingala naman siya sa akin.

"wala" sabi niya sabay tumayo at humiga siya sa table (iba ata iniisip mo), natuwa ako sa aking nakita, ang ganda niyang pagmasdan habang nakahiga sa table, parang natutulog lang, hehehe jk.

“Totoo ba ‘yung sinabi mo sa sulat?” biglang tanong ko sa kanya na kamuntikan ko nang malunok ang aking dila. Ang nasa isip ko, bahala na si Kiko, touch move na ito, wala nang bawian.

Napansin kong medyo nahiya siya at pumula ang kanyang pisngi na lalo naman nagpasigla sa akin dahil sa kagandahan nakikita ko, bumangon siya at sinampal ako, hehehe jk ulit. Bumalik siya sa pagkakaupo niya at kinuha ulit ang kanyang ballpen na walang tenta at gumuguhit-guhit sa maliit na papel.

Tinanong ko siya ulit,

“Totoo ba ‘yung sabi mo sa sulat?” tanong ko ulit sa kanya,

Isang matamis na ngiti ang ipinakita sa akin na parang nagpapahiwatig na "OO, totoo ang mga sinabi ko sa sulat na 'yun", pero dahil sa siguristo ako, gusto kong marinig mula sa kanyang bibig na gusto din niya ako.

Tinanong ko ulit siya,

“Ano, totoo ba ‘yun?!” parang NBI agent na pagtatanong ko, hehe jk.

"OO" sabay ngiti at kitang kita ko na kinikilig siya,

Nakaramdam na naman ako ng kakaibang kirot sa aking pangangatawan, ‘yun ang unang pagkakataon maramdaman ko ang tinatawag nilang kilig, kilig na kilig na kilig ako, as in ang killliiiiiiiiiiigggggg. Pero hindi ako nakuntento sa sagot na narinig ko, I want more, so I ask her if she does love me.

Do you love me? Tanong ko sa kanya, pero in tagalog…inenglish ko lang ngayon para cool basahin.

Hindi na naman siya sumagot at namula na naman ang kanyang pisngi, napansin kong may isinusulat sa papel pero hindi ko mabasa dahil sa walang tenta ito, binigay niya sa akin ang maliit na papel, at pilit kong inaaninag ang bakat ng ballpen and it says “I love you”. Hindi na naman ako satisfied kahit pinipigil ko ang kilig sa loob ko dahil alam ko ang nakaguhit sa maliit na papel.

“Hindi ko mabasa...ano ‘to?” painosenteng sabi ko.

Sumimangut siya,

“Basahin mo kaya ng maayos” sabi sa akin na halatang peke ang simangot niya dahil halatang kinikilig din si Kamil,

Pero mas matibay ako kaysa kanya, hinding hindi ko inamin na nababasa ko ang isinulat niya sa papel gamit ang ballpen na walang tenta.

Tiningnan niya ako na maaliwalas na ang mukha at sinabi na ang salitang hinahangad kong marinig.

Note para sa nagbabasa nito: Kumapit ka na dahil ito na, ito na ang matagal ko nang hinintay.

“Oo, I love you Akoni” Sabi ni Kamil

“I love you akoni, I love you akoni, I love you akoni” umiikot-ikot na naman sa isip ko at pati sa buong katawan ko, nararamdaman ko na sumasanib na sa akin ang spiritu ng unang pag-ibig.

Parang lumakas ang hangin ng pagkasarap-sarap sa pakiramdam at ako lang ang nakakaramdam, hindi ko maramdaman ang aking sarili dahil sa narinig ko mula kay kamil “ I love you akoni”, nawawala na ata ako sa aking sarili, mapupunit na ang bibig ko sa super pag-smile ko sa kanya. Nakita kong natatawa siya, dahil sa nakikita niyang nangyayari sa akin.

Nahimasmasan ako mula sa ilang minutong pagkabaliw ko dahil sa sobrang saya. Girlfriend ko na ang babaeng pangarap ko, ang babaeng unang nagpaibig sa akin, ang babaeng unang nagdugtong ng pangalan ko sa salitang “I love you”.

Lumabas na kami sa kwartong iyon na nagbigay saya sa aking buhay, nagpaalaman kami sa isa’t isa na pumunta sa kanya-kanyang mga kaibigan, pumunta siya sa mga kasamahan niyang majorettes, pumunta naman ako kay Diamond at Jay na masayang masaya.

Habang naglalakad ako ay napapalingon ako sa mahiwagang kwartong nagbigay ng ligaya sa akin, naisip ko ang mga napag-usapan namin ni Kamil, lalo na ang mga conditions niya sa aming relationship.

IchuchoLHULOY

Share