Blog-ibig page7

PAGE 1

Sabi ng puso ko...

Lagi nalang nagpapapansin si Leorap kay Kamil, sabay pa sila mag-recess, parang nagkakaintindihan na ata sila.

"OUCH!" sabi ng puso ko.

Hindi na ako nakakalapit kay Kamil Shake dahil sa kupal na 'yon, naiinsecure ako sa mga arte niya, naiinis ako, nagseselos ako. Minsan sinusubokan kong makipag-compete sa kanya, pero hindi kaya ng powers ko.

"Kamil, yung sa project natin, natapos mo na ba 'yung sa'yo? gusto mo ako na gumawa?" sabi ko kay Kamil.

"Ha? Nagawa na ni Rap-e" sagot ni Kamil.

Nak ng...wala akong maipapel kay Kamil, kasi lagi ako nauunahan ni Leorap. Nasasaktan ako tuwing nakikita ko silang dalawa, parang gusto kong iuntog sa pader ang ulo ni Leorap at ibalik siya sa pinanggalingan niyang planeta. Pero dahil sa busilak ang akin kalooban, hehehe, hindi ko ginagawa, sport tayo, pilipino ako.

"aaaayyyyyyy.....!!!!!!!!!" parang nakureyenteng sigaw ni Jhengpot na nakadungaw sa bintana, na kinikilig na parang naputol na buntot ng putiki.

"Ano ba yan?! ano nangyayari sayo dyan?" Sigaw naman ni Mayen sa kanya.

"Tingnan niyo dalliiiiiiiiiiii...." kinikilig na sigaw ulit ni Jhengpot.

Pati tuloy ako na-curious kaya napatakbo narin ako sa may bintana. Natulala ako sa akin nasaksihan, tsunami at lindol ang naramdaman ko sa akin mundo.

Unti-unting lumalabo ang paningin ko, nararamdaman kong may tutulong tubig mula sa akin mga mata, kaya bigla nalang ako mapatakbo sa health corner namin. Doon ay nagsisi ako, sana hindi nalang ako dumungaw sa bintana, hindi ko sana nakita ang sweetness ni Leorap at Kamil Shake, hindi ko sana nakita na naglalakad silang nagkukulitan.

"aawwww....they're so cute, bagay na bagay sila noh?" narinig kong sabi ni mayen at parang tinusok na karayom ang puso ko.

"Ano ang ibig sabihin ng mga nakita namin, sila na ba?" tanong ng isip ko.

"OUCH" sabi ng puso ko.

Araw-araw ganun ang nasasaksihan ko, at araw-araw din parusa ng pag-ibig ang sumasakop sa akin. Natuto na ako makipagbarkada, lagi na ako lumiliban sa klase, nag-e-escape na ako, at panay nood nalang ako ng sine.

itutuloy....



Share