Blog-ibig page8

"IKAW PARIN"

Sabi nila, ewan ko kung sinong "sila", basta ang sabi nila "habang may buhay may pag-asa. Ang nangyari kasi, biglang kumampi sa akin ang tadhana. Dininig ata ng may kapal ang hiling ko sa kanya, kadalasan kasi dinadaan ko ang lahat sa dasal. Ang hindi ko pa nasusubukan ay ang daanin sa santong paspasan ika nga nila, pero balang araw susubukan ko din yan.

Isang milagro ang nangyari, isang araw bigla nalang nawala si LEORAP, hindi na pumasok, dahil pina-salvage ko na siya at ipinatapon ko ang katawan kupal niya sa ilog, hehehe jk. Hindi ko alam kung saan pumunta at hindi rin ako interesado na alamin, pakialam ko sa kanya, pumunta siya sa imperno kung gusto niya, wala akong pakialam, sorry amplaya ulam ko kagabi.

Nasa second grading na kami nang biglaan nawala si LEORAP sa eksena, daming naghahanap sa kanya at nagtatanong kung nasaan na siya, lalo na ang mga babae. Pero alam ko, alam ito ni KAMIL SHAKE ayaw lang niya magsalita at doon ako nasasaktan.

Sabi nila ulit, kapag may nawawala may dumadating. Isang araw, ang ingay sa labas ng room namin tela may pinagkakagulohan doon ang mga boys ungas, ayyy naku akoni naman ay na-curious ulit.

"Ano ba 'yun?" tanong ko kay Acre of Diamond.

"Ha? may bagong transferee ulit, galing Treasure High School." sagot ni Acre na nakangiti.

"Oh bakit ka naman nakangiti?" tanong ko ulit.

"Ang ganda niya 'tol, grabeeeeeeeee...ganda palang niya, kinikilig na akooooowwwwhhhooooo..." sagot ni Acre sabay nakipag-apir sa akin.

"Sira, anong section siya mapupunta?" tanong ko ulit.

"Syempre, dito sa atin, matalino daw eh." Sagot ulit ni Acre na parang cellphone na nagba-vibrate sa kilig.

"Tol kalma lang, putcho mo ooohh, lumalabas na dyan sa mga mata mo." sabi ko at tawanan kaming dalawa na parang mga anak ni sisa.

Ilan minuto ang lumipas, pumasok ang advicer namin kasama ang advicer ng kabilang section.

"Class, this is MISS LEAH, bagong klasmet niyo, pamangkin ni titser KALOKANG PINAY" sabi ng titser namin.

Nagkatinginan kami ni Acre, parang nangungusap na naman ang mga mata niya, napa-WOW ako tuloy.

Inaamin ko, namangha din ako sa lakas ng dating ni LEAH, napalingon tuloy ako kay Kamila na tahimik lang. Dahil doon napangiti ako at nasabi sa sarili na...

"Kamil, huwag kang mag-alala, ikaw parin..." bulong ng akin diwa.

Share