Mahal na araw



Galing sa gugol

 Mahal na araw ngayon April 25, 2011, mahal na araw namin ngayon ng aking heaven. Mahal na araw namin ngayon, dahil ngayon ‘yong araw na nagkapares ang ulo namin, ngayon ang araw na naging apat na ang mga tuhod at mga kamay namin, at ngayon ang araw na nagkaroon ako ng permamenteng kadaaupan labi.

Ngayon araw ang dahilan kung bakit ako nawala noon ng ilang araw, dahil pumunta ako sa kanya, trip to heaven. Para sa mga hindi nakakaalam, magkahiwalay kami ng aking heaven, dito ako sa baba ng puson ng Saudi at doon naman siya sa dulo ng dila ng Saudi.

Halos pitong oras ang biyahe papunta sa lugar niya, kaya halos pitong oras din ako magbubutas ng upuan sa bus, halos pitong oras din titiisin ang  maanggong amoy ng mga ibang lahi sa loob ng bus, at syempre lahat ng klaseng posisyon sa pag-upo ay nagagawa ko sa loob ng halos pitong oras.

Pero ayos lang dahil pagdating ko naman ay “heaven ang feeling” ang kapalit, at magiging walang silbi akong nilalang, dahil wala akong ibang gagawin kundi kakain, matulog, (censored), mag-relaks, magmahal at mahalin, heaven talaga, 2days in heaven.

Na-realized ko, ganoon talaga ang buhay, laging may pagsasakripisyo para masalap mo ng isang daan pursyento ang kaginhawaang papalit, kung may hirap na dinadaanas, lagi mong asahan na may kaginhawaan din na dadating, at huwag kakalimutan magpasalamat. Korek nga ang laging sinasabi ng mga magtataho, “Kung may tiyaga, may hilaga”, sa akin naman “Kung may biyahe, may heaven”.

Maligayang mahal na araw sa amin ni heaven!

Share