CRAZY-EL 2

Nagpatuloy ang pagkakaibagan namin ni Ginny (alisin ko na demonita, kasi princess kikay daw siya, grraawwwkkkkss), nagkaroon ng foundations dahil sa pagsasabihan namin ng mga hinanakit sa buhay, nagkasabihan ng mga ilang sekreto, ng mga kalandian, at kung anu-ano pang shit.

Hanggang sa dumating ang araw ng fuckition ko, nag-set up ng EB ang mga taga PR101 (na natirang nagmamahalan bilang magkakaibigan), syempre kasama dun si haaayyy princess Kikay.

Pero dahil si hay naku princess Kikay ang highlights ng blog na ito, sa kanya lang muna tayo mag-focus, say Hi nalang to, makal chastine, ram the peter pan, ate yna, Ashley at Julie, miss you guys.

Saan na tayo? Aahh okay, yown nga, nagkita kami lahat sa pambansang tagpuan, ang MOA. Kasama ko si heaven, nagkachikahan, nagkakainan, nagkakantahan, nagkalaruan, nagkapiktyuran, nakaadikan at kung anu-ano pa.

Dun ko napatunayan ang lubos na pagka…wait, handa mo muna sarili mo dahil caps lock na naman to, ang lubos na pagka-TANGA (with echo) niya sa pag-ibig. Naasar ako sa kanya sa mga oras na un, biruin mo, kahit saan kami mapunta, sa videokihan, sa timezone, sa restaurant, kahit saan, lagi niyang kausap ang VBF niya na hindi man lang niya nadilaan ang ABS? anak ng asukal parang naka-glue ata ang telepono sa kanyang tainga.

Imagine without thinking, sa timezone na sobrang ingay, nag-uusap parin sila? Habang kumakain nag-uusap parin? habang naglalaro nag-uusap? Wala akong ibang marinig sa kanya kundi,

aayy bebe koooowww,

hehehe beh naman eh,

oohh yeaahh beh sige pa beeyybeyyhh,

Pero kapag magsasabi naman siya sa VBF niya ng, “Beh magkita naman tayo sa personal oh”, bweeh at bleehh ang nangyayari sa kanya, in her face, LOL.

Hindi kami nagkaroon ng time para makapag-usap dahil nga sa laging nakadikit ang telepono sa kanyang tainga, ang adik ng loka, sun cellular ba un? Ung 24/7 daw ang tawag? Ewan.

Hanggang sa nung pauwi na kami saka siya natauhan na hindi man lang kami nakapagchicka, kung kailang uuwi na kami ni heaven saka makikipag-usap ng haist princess kikay.

Kinausap niya si heaven,

“Puwedi ko bang mahiram si Akoni ng isang araw?”

ayy ang tanga (echo), yan ba naman ang sabihin sa heaven ko? syempre hindi pumayag ang heaven ko dahil kung anu-ano tuloy ang pumasok sa isip niya, kung bakit ako hihiramin? Kung bakit isang araw? Eh hindi niya alam na may pagka-Maria Clara si heaven, walang kaalam-alam ang heaven ko na nagpalit na ng apelyedo si Maria Clara, naging Maria Ozawa na siya ngayon, kaya ayun, naisip tuloy ni heaven na libog ang gagawin namin, ang pag-uusapan namin.

Syempre hindi pumayag si heaven kasi akala niya isang araw talaga, pinag-isipan tuloy kami ni heaven na may something na nagaganap sa amin dalawa, buti nalang sana kung mayroon para ayos lang kung mapagbintangan at least enjoy kahit napagbibintangan diba?, kaso wala eh, wala, wala, wala, akala nila mayroon, corny.

Talagang babaeng version ko si arrrrr princess kikay, kapag nakikita ko siya, feeling ko gurl ako…LOL

Itutuloy…

Share

CRAZY-EL 1

WARNING: RATED 18

2008 nang magkakilala kami sa meebo, may chat room tambayan kami dun dati, ang Pinoy Republic 101 o PR101, baka natambay ka nun minsan, Gentle devil at The_monyo ang usernames ko dun, ang anghel ng dating diba? (Insert maalala mo kaya theme song), pero nung dumating ang bagyong si Ondoy natangay pati chat room namin, binaha at nalubog na hanggang sa naglaho nalang na parang unang pag-ibig.

Parang unang pag-ibig, masaya sa umpisa pero kadalasan nakakalimutan at nawawala na parang bola, ganown ang nangyari sa tambayan namin. Pero kahit ganown ang nangyari, nanatili parin ang pagkakaibigan namin ni, tawagin nalang natin sa tawag na mala-anghel ang dating, demonita.

Ang harot-harot niya at ang landi-landi niya, pero bwesiiiiiiiiiiiiiittt siyaaa!! ako lang ang hindi niya nilalandi, ako na kaibigan niya, ako na palaging nag-bibigay ng advices sa kanya, ako na ang kyut niyang kaibigan, tapos hindi man lang niya magawang landiiiiiiiiiin? Wala siyang kwentang kaibigan, kaya demonita ever siya to me, I hate her for that, *devil’s laugh*

Anyway, calm down muna tayo, may araw ka din hayop ka.

Kahit hindi pa kami nun nagkikita ng personal ay maganda ang friendsip namin, masaya siyang kausap, parang kausap ko lang ang sarili ko sa ibang daig-dig. Napakaganda ng mga words namin kung mag-usap, “tangnamo, hayop ka, kamusta ka na?”, “Ayop ka, kamusta na buhay pag-ibig mo, magkita na kayo ng boyfriend mo para hindi ka panay sariling sikap”, “Potah, ang sikip na nga eh, baka karayom nalang kakasya dito”, “kamusta demonyo ka, makikipagkita na daw siya sa akin next month?” Ganyan kami magkamustahan, parang nakakain ng isang garapon na betsin at nakasinghot ng pinaghalong utot at usok ng katol.

Kadalasan ang problema ng demonita na ito ay buhay pag-ibig niya, ang gulo kasi, or let’s say, ang TANGA (oo, capslock yan) niya kasi. Nainlove siya ng todo-todo to the max and Kenny Rogers sa isang lalakeng 21 years old na may pag-iisip na 10 years old, dahil hanggang ngayon ay hindi pa niya nagagawang lumayo sa mga magulang niya ng 50 meters away para makipagkita kay demonita, kahit hindi naman aabotin ng isang buwan ang biyahe papunta ng manila.

Kahit na nga si demonita pa ang nag-effort nun na puntahan sa lugar niya eh hindi parin nakipagkita ang ulopong. ‘yun ang hindi ko magets eh, kinukulong mo ang isang tao sa pag-ibig mo, pero hindi ka man nakikipagkita sa kanya? Naaawa ako tuloy kay demonita, panay paglalaway lang siya sa magandang ABS ng kanyang BF.

Hindi lang kasi 10 beses na-indian ng Boy friend niya eh, set-up siya ng set-up ng date na magkikita na daw sila, pupuntahan na daw siya, pero pagdating naman ng araw na yon, natutuyoan na tooottoott ni demonyita sa paghihintay wala parin, balik self satisfucktion ulit sila.

Oo, may boyfriend siyang na sa loob lang ng computer, dun lang sila nagkikita at nagpapakitaan, at hanggang ngayon ay hindi parin sila nagkakatikiman, mga kawawang nilalang, may rashes na siguro mga tootttooottot nila, parang ang karelasyon lang nila ay ang kanilang mga kamay, LOLOL, ang saklap.

Halos araw-araw nun may e-mail sa akin ang demonita na ito. Kadalasan ay mga sumbong niya tungkol sa VBF niya, keso ayaw daw makipagkita ang VBF (Virtual Boyfriend) niya dahil daw ayaw ng parents niya na pumunta sa malayong lugar (ayy putcha), pinagpalit na daw sa ibang babae at kung anu-ano pang shit. Tapos isang araw, biglang sasabihin na naman sa akin na mahal na mahal daw siya ng lalaki niya, ayy putcha ulit, alam niyo un? ung isang araw puro hinanakit ang sasabihin sa’yo tungkol sa VBF niya, tapos fully support ka naman at nahihirapan ka pang mag-isip ng eaadvice mo sa kanya (kasi baka saksakin niya dibdib at toottoott niya), para lang mapagaan ang kalooban niyang malibog?

“Ayos Lang yan, hindi siya deserving sa pagmamahal mo, move on ka na, okay friend? Hindi pa naman kayo nagkikita ng personal eh, marami pa dyan sa paligid ligid mo”

Tapos biglang kinabukasan, may e-mail siya ng ganito…

“Ayyy ang saya-saya ko, mahal na mahal ako ni ulopong, magkikita na daw kami this coming month, ayyy yang saya.” Ang potah lang diba?

Para siyang sirang ulong plaka na paulit-ulit tungkol sa ulopong niyang VBF na hindi man lang niya nadilaan ang kanyang magandang ABS. Haaayyy ang pag-ibig nga naman, napaka-brutal, sa kanya.

itutuloy....

demonita real face

Share

Whatever daw

Kanina pa ako nakatunganga dito sa harap ng Computer ko, mga ilang minuto narin, gusto kong magupdate ng blog pero wala akong maisip na paksa, buti nalang nandito ang new roommate ko, ngayon may idea na ako.

Katabi ko ngayon ang kaibigan ko (roommate ko), sinasabunotan niya ako habang tawa ng tawa, hindi ko alam kung ano ang nakain niya, betsin?

Ngayon ay tinatanong niya ako kung anu daw ang nakukuha ko sa pagba-blog, pero hindi ko siya sinasagot, basta tuloy-tuloy lang ang pagtitipa ko, sinusundan ko ang kanyang mga sinasabi.

Ayun na naman tatawatawa, sabi eh "Oh ano mayroon sa pagbablog, yayaman ka ba dyan?" tapos sinundan pa niya ng "Anong klase ba yang blog mo?". Ewan  ang bilis niya magsalita, hindi na mahabol ng kamay ko lalo na ng utak ko.

Tinanong ko siya kung ano magiging title nitong sinusulat ko, sabi niya "Whatever!" with diction pa, ang tarhossss-tarhoosss niya.

ewan hanggang dito nalang, sasapakin ko nalang ito.

Pasensya na pala, nasayang lang ang ilang segundo ng buhay mo.

Share

Mula sa banga

Nangiti naman ako ng makita ko ‘to sa isang lumang folder ko, hindi ko na matandaan kung kailan ko ‘to sinulat, buti nalang may nakalagay na date, hehehe. Isa ito sa mga hindi ko naitapon na sinulat ko nung nag-uumpisa palang akong sumulat. Dati pa mahilig na ako magsulat ng kung anu-ano, pero hindi ko pinapabasa sa iba, tinatago ko ito hangang sa makalimutan ko na o tinatapon ko nalang pagkatapos kong basahain. 2009 ako magsimula magsulat, at 2011 ako nagkaroon ng lakas ng loob na ipabasa sa ibang tao, kaya heto ako ngayon sa blogger.com nangkakalat ng mga kalokohan at guni-guning ligaw.

Dahil tinatamad ako mag-isip ng isusulat ngayon at mag-type, inserted ko nalang ang scanned image nya...LOL

BASA....

Share

Gamot sa insomnia

Kanina habang naglalakad-lakad kami sa mall kasama ang mga kaibigan, biglang nasabi ng kasama ko may insomnia daw siya. Nahihirapan daw siya makatulog. Humihingi siya ng tips sa akin kung anu daw ang dapat niyang gawin, tingin ata sa akin ng gago ay marami akong nalalaman. Pero hindi siya nagkamali ng pinagtanongan, syempre lahat ng tanong mayroon akong kasagotan, diba earthlings?

Kahihiyan ko kung wala akong maibigay na tulong sa kanya, kahihiyan un sa akin lahi.

Ito ang tip na binigay ko sa kanya...

Inakbayan ko muna siya, sabi ko, "Gusto mo lang naman matulog, hindi ba?"

"Oo" sabi niya.

"Mahusay kong ganun, un lang naman problema mo, hindi ba?"

"Oo" sabi niya.

"Mahusay..."

"Ito ang sigarilyo ko, isang pack yan, sayo na yan, bumili ka ng mga lima pa para maging anim, tapos manigarilyo ka mamaya, mabisang gamot 'to sa insomnia, kung mauubos mo lahat ng iyan sa isang gabi, mas mahusay, mawawala na insomnia mo, makakatulog ka na tiyak yan, pero wait natin mga ilan buwan, tiyaga lang parekoy" sabi ko.

"Eh diba, mas lalo akong hindi makakatulog kapag nanigarilyo ako?" Sabi niya.

"Mali ka, parekoy...Isang mabisang gamot para sa insomnia itong sigarilyo, napapatulog ka nito" 

"Paano naman nangyari un?" sabi niya.

"Basahin mo ito"

"Healt Warning: Smoking is a main cause of lung cancer, lung disease and of heart and arteries diseases. Smoking can kill you." basa niya.

"Can kill you, makakatulog ka na. Mawawala na insomnia mo."


"Gago ka ah..." lambing niya.

Mula kay google

Share

Pangarap

Libreng mangarap. Lahat naman siguro tayo'y sumasang-ayon dyan. Isa ito sa libre sa mundo, lahat tayo'y may karapatan mangarap, hindi ko lang alam sa isang baliw, kung nangangarap din?

Marami akong pangarap na kahit alam kung malabo itong matupad ay patuloy ko parin ito pinagnanasaan sa utak ko, tulad ng makapagtayo ng isang Gang group (parang gang bang lang,haha), ung parang sa mga korean movies? Gustong gusto ko kasi maging astig, ung kakatakot dahil sa galing ko sa diskarte, sa isip at sa katawan. Pero alam kong malabo ito dahil isa akong duwag na nilalang, buong buhay ko hindi ko pa naranasan makipagsuntokan.

Natatanong ko minsan ang aking sarili, bakit ba may mga pangarap na hindi natutupad at kailangan nalang manatiling isang pangarap lang?

Tulad nito

kuha to nung August 2010

Siguro kaya may mga pangarap na hindi natutupad ay para marealize ng tao na kahit gaano siya makapangyarihan o kataas, ay may limitasyon parin ito at hindi mapapasakanya ang lahat ng gusto niya. Basta kung ano man ang rason, ang alam ko ay masaya akong iniisip bago matulog ang mga pangarap ko na alam kong malabo matupad sa totoong buhay.


Good night to me, earthlings!

Share

Bakit tatay, daddy, papa, o ama…?

Tatay, daddy, papa, at ama.

Ilan lang yan sa mga sikat na tawag natin sa lalakeng nag-donate ng sperm cells sa mudra natin para mabuo tayo, pero ang tanong na hindi niyo naitatanong, bakit yan ang tawag sa kanila?

Dahil father’s day kahapon, syempre hindi puwedi wala akong maisulat tungkol sa mga fathers.

Umpisahan na natin…

Tanong: Bakit tatay ang tawag?

Sagot: Dahil TATAYo siya bilang magulang mo, TATAYo siya bilang padre de pamilya churva, TATAYo siya bilang taga pagtanggol mo, TATAYo siya para sa kanyang pamilya, TATAYo siya para ibigay ang mga pangangailangan mo, TATAYo siya para maibigay ang magandang buhay para sa kanyang pamilya, at higit sa lahat TATAYo ang toootttoottt niya para  bigyan ka ng kapatid.

Tanong: Bakit Daddy naman?

Sagot: Dahil ang Daddy mo ang kaagaw mo sa dede nun sanggol ka pa. Dede sana spelling ng tawag sa kanila kaso malaswa, kaya Daddy nalang, gets?

Tanong: Eh ang Papa?

Sagot: Kasi PAPAluin ka kapag nagkamali ka, PAPAtay siya ng tao, hayop at taong hayop para sa inyo, PAPAgaanin at PAPAlakasin ang loob mo, PAPAligayahin kayo lalo na mother mo, PAPAaralin ka, at paparapaaappaaa love ko ‘to.

Tanong: okay, eh ang ama?

Sagot: Ama, dahil isa siyang mAMA ng tahanan niyo, malaking mAMA sa pamilya niyo na dapat mong respetohin.

Kung walang ginagawa dyan ang isang lalake para sa pamilya niya, wala siyang karapatan tawagin tatay, daddy, papa, o ama.

Hanggang sa muli, earthlings!!!

Share

Anak ng teteng

Siya ang aking AMA, na sa akin ay nagmamahal! Choooossss….

Mabait at mapagmahal na asawa, sobrang mahal niya ang akin ina. Mula nang magkaroon ako ng muwang dito sa mundo, kahit kailan ay hindi ko nakita ang tatay ko na nainis o nagalit sa aking ina at never kong narinig na nagsalita ng masama laban sa aking ina at never siyang sumagot ng pabalang, anak ng teteng sa astig diba? Bihira lang ang mga lalaking ganun na kahit mala-AK-47 na ang bibig ng kanilang asawa at minsan ay may mga kasama pang granadang mura ay tahimik lang sila.

Ganun ang tatay ko, pinagmamasdan nalang ang nanay ko sa tuwing binubungangaan siya, tahimik lang ang tatay at nakangiti :) sa nanay na parang nakikinig lang ng musika. Lalalala…lala..lalala…lalalala…reapet chorus (volume 8).

"First impression last", hindi ‘yan magagamit sa tatay ko, kasi sa unang kita mo sa kanya, aakalain mong kamag-anak siya ng mga Ampatuan. Kung hindi mo siya kilala, mag-aalinlangan kang magtanong sa kanya, takot lahat sa kanya, ang kanyang mga pamangkin, mga pinsan, mga kapatid, halos lahat, kasi hindi siya masalitang tao “One word is enough”.

Ma-pride, basta ayaw, ayaw talaga, kung gusto, GUSTO talaga. Kung ayaw niya sa isang tao, sinasabi niya, hindi siya hipokrito. Kung isang gamit ang tatay ko, siya ay isang cellphone na naka-silent mode palagi, salamat at hindi naman siya nagba-vibrate. Mabibilang mo sa mga daliri ang mga salitang binibitawan niya sa buong araw, ganun siya katipid sa pagsasalita, at ang boses parang galing sa kailalimlaliman ng lupa. Hindi siya mahilig magkwento, kabaliktaran ko. yada! yada! yada! blah! blah! blah!

Magaling magluto ang aking AMA, ‘yan ang isa sa mga hinahangan ko sa kanya bukod pa sa kamukha niya si Vic Vargas, ang sarap niyang magluto, adobong pusit, adobong manok, adobong kalabaw, adobong pinakbet, adobong kanin, adobong kangkong, at mga iba pang adobo niya, ilan lang yan sa mga paborito kong niluluto niya.

‘Yan ang tatay ko, basta sa kusina? leave it to him, siya na ang bahala. Siya na halos ang gumagawa sa gawaing bahay (lalo na mga gawain kusina) pwera nalang sa paglalaba at paglilinis ng bahay, sa nanay ko naman ‘yun at minsan ay sa akin ‘yun. (Nom…nom…nom…Burp (excuse me)).

Lahat naman siguro ng ama ay pinapangaralan ang kanilang mga anak, pero kakaiba ang tatay ko, dahil nga sa tipid siya magsalita, bihira lang niya ako mapangaralan. May natatanadaan akong kaisa-isa at pinakabilin niya sa akin. Isang araw habang pauwi kami ng probinsya, ako muna ang pinag-drive niya, ganado ata makipagchicka sa akin. Hindi ko na matandaan ang ibang pinag-usap namin maliban nalang sa isa na hangang ngayon ay hindi ko makalimutan ang sinabi niya, “Gawin mo na ang lahat, basta wag na wag kang magda-drugs”. Uso kasi noon ang shabu, kaya siguro sa sobrang pag-aalala niya sa akin, ganun ang nasabi niya, pero dahil mabait at masunurin akong anak, sinunod ko naman siya, ginawa ko na ang lahat (as in lahat) maliban na lang sa isa, ang mag-drugs..Eoooowwww…..

Masasabi kong matagumpay siyang Ama, dahil kahit papaano ay nagawa niya akong mapagtapos ng pag-aaral. Tunay kong ipinagmamalaki ang aking ama, hindi man kami mayaman (pero yayaman din) masaya kaming pamilya. Alam kung malaking tagumpay sa kanya ang mapagtapos ako ng pag-aaral at magkaroon ng magandang trabaho, alam kung panatag na ang loob niya sa akin, dahil may sarili na akong pamilya.


Tatay,

Maraming salamat, salamat sa pag-aalaga sa amin, sa mga sakripisyo mo sa iyong pamilya. Alam ko, kapag may problema tayong kinakaharap ay hindi ka makatulog, hindi mo alam nakikita kitang nakaupo sa may bintana at nag-yoyosi, alalang alala ka kung paano mo ‘yun mareresolba.

Nahihiya man akong sabihin sayo ng harapan, kung gaano ako nagpapasalamat sa iyo at kung gaano kita kamahal, lagi kong ipinagdarasal na sana ay humaba  pa ang buhay mo, ng nanay at maging matagumpay ako sa buhay upang maranasan at matikman mo ang tamis ng aking tagumpay. Ipinapangako ko, babawi ako sa lahat ng kabutihan at sakripisyo mo sa akin, kayo ni nanay. Tagumpay ko ay tagumpay ninyo, pangako! Mahal na mahal kita.

Nais kong iparating sa lahat ng makakabasa nito, sa pamamagitan ng simpleng blog kong ito kung gaano ko kayo kamahal. Sana sa simpleng sinulat kong ito ay naipahayag ko sa lahat na proud ako sa inyo. Ikaw ang aking idolo, ang aking hinahangan, ang nag-iisang lalake sa buhay ko, and I am proud to say, Anak ako ng teteng!

Share

Ang uripon at ang binukot

Time check 1:05:53 am

Bago ang lahat, babati muna ako sa inyo, hello earthlings.

Oras na ng paghihiwalay ng katawan lupa ko at ng kaluluwa ko, pero mukhang hindi na ata darating ang uripon ni bai tulog na si antok. Nasobrahan ata sila sa akin kaya hangang ngayon ay hindi pa ako sinusundo ni uripon antok, hindi ko na kasi siya pinakawalan kahapon eh, ipinaubaya ko na sa kanya ng maaga ang katawan ko, kaya ayon to the max kami buong araw at buong gabi ng binukot na si bai tulog. Ano akala nila ah, uurongan ko sila? nevah! ano sila ngayon, hahahahaha. Pakyo uripon antok, pakyo bai binukot tulog!! 

Makakapagpuyat na ako.

Oo ganun 'yon, 

Si tulog ay isang binukot, ang anak na bai ng Datu ng Gabi. Si binukot bai tulog ang umaangkin sa atin katawan habang tayo'y walang malay, at walang katawan ng sinuman ang hindi napapasakanya. Inuutosan niya ang kanyang uripon na si antok, para ihatid tayo sa kanyang banwa.

Si uripon antok naman ay isang tapat na taga silbi ng binukot na si bai tulog. Siya ang inuutosan ni bai tulog para kunin ang atin katawan at dalhin sa kanya. Nilalandi niya tayo upang manghina at mawalan ng malay bago dalhin kay binukot bai tulog.

Kung anong sarap ng dalawang ito, ganun din sila kadelikado, dahil kapag pinagsawaan ka na nila? Wala na, hindi na makakapagpahinga ang katawan mo o magpapahinga kang dilat ang mga mata mo. Kaya dapat ay laging pagbigyan ang uripon na si tulog tuwing sinusundo ka na niya para dalhin ka sa binukot na si bai tulog.

Ayos ba?! lol - hindi yan tawa, tao yan na nakataas ang dalawang kamay.


Para nga pala sa hindi nakakaalam kung ano ang ibig sabihin ng uripon at binukot.


Uripon - Alipin, taga silbi sa mga bai, datu, raja, at kay iba pa.


Binukot - isang prinsesa kung ituring, nasa pedestal ito, hindi puweding umapak sa lupa, makita ng ibang tao (lalo na kalalakihan), masinagan ng araw at kay iba pa din.


Panoorin ang AMAYA sa GMA 7 para malaman ang ibang karagdaan impormasyon, at para naman sa mga taga ABS-CBN 2, click niyo DITO o DITO.

Share

Ang alamat ng BUWAYA

Isang araw, naks wala nang intro ah, isang araw na agad, hehehe. May mag-amang nagplanong mag bonding sa paborito nilang lake, mahal na mahal ng ama ang kanyang anak, syempre anak eh, jurior eh. Matagal-tagal narin sila hindi nagkikita gawa ng nag-aaral ang kanyang anak sa siyudad.

Kakatapos lang ng anak sa College, kaya ganun nalang ang pagkagalak at pagkasabik ng kanyang ama.

Ama: Anak, mamingwit tayo dun sa lake, gaya ng ginagawa natin nung bata ka pa, naalala mo pa ba ‘yon?

Anak: Oo naman dad, pero diba sabi nila delikado na daw dun ngayon? Kasi may kakaibang nilalang na lumalabas dun at nangangain ng tao?

Ama: Anak naman, akala ko ba matalino ka? walang ganun, tsismis lang ‘yon ng mga taga dun, para  hindi mapuntahan ng ibang tao ang lugar nila, para masulo nila ang mga isda sa lake na ‘yon, wag kang maniwala dun, guni-guni lang nila un, isang kalokohan, haay naku.

Dahil sa sinabi ng kanyang ama, nakumbinsi naman ang anak kaya tinuloy nila ang kanilang bonding.

Habang nasa maliit na Bangka sila, nakaramdam ng kakaiba ang anak sa ilalim ng tubig.

Anak: Daddy, naramdaman mo ba un? (May kaba sa mukha)

Ama: Ang alin anak?

Anak: parang may gumalaw po sa ilalim ng atin Bangka natin.

Ama: Anak, baka malaking isda lang yan, ikaw talaga…Huwag mo na pansinin ‘yan, halika nga rito.

Anak: Dad, mayroon talaga…dad naman eh, uwi na kaya tayo, ibili nalang kita ng isda sa palengke.

Ama: Anak, are you on drugs?

Anak: ……

Ama: Oo nga pala, pag-usapan natin kung anu na ang plano mo ngayon tapos kana sa pag-aaral. (umupo sa gilid ng Bangka habang ang dalawang paa ay nakalubog sa tubig)

Anak: Marami daddy, gusto kong maging mayaman tayo, makuha ang lahat ng gusto ko, as in lahat. Kung saan madaling yumaman, doon ako. (nakiupo at nilubog din ang mga paa sa tubig)

Nilalaro ng anak ang tubig gamit ang kanyang mga paa, hanggang sa biglang may naramdaman na naman na gumalaw sa ilalim ng tubig, kinabahan na siya ng todo.

Anak: Daddy, pls uwi na tayo, hindi maganda ang pakiramdam ko.

Ama: Hayy naku, sige na nga, mukhang hindi nga maganda pakiramdam mo, namumutla ka na eh.

Habang paahon na sila sa tubig, biglang natigilan ang anak…

Anak: Dad, alam ko na po ang gusto ko.

Ama: Good, ano un?

Anak: Gusto ko pong maging politician.

Ama: *Ngiting aso*

‘yan ang alamat ng buwaya, hanggang sa dumami ng dumami na sila.

WAKAS

Share

Ipinasang SILLY-han mula kay Nene

Una, salamat kay Nene sa pag-tagged sa akin, dahil may maisusulat na akong blog, lels. Parang wala kasi sa kondesyon ang utak me na sumulat, gawa nga ng accident na nangyari sa "friend" ko na driver, worry me. So, sisikapin ko maging tapat at seryoso sa mga tanong...


Question: Do you think you're hot?

Answer : Hot? Hindi, pang babae at bading yan eh. Delicious oo, I think I am delicious. Sabi nga ni DORA, delesyoso...'yan dapat, pang macho 'yan. LOL

Task: Upload a picture of the wallpaper you're using as of the moment.

Tinakpan  ang eye bags bilang pagprotekta sa kanya.

Action: Pinakapaborito ko sa lahat ng pictures ng HEAVEN ko, girlfriend ko pa siya dyan. Naghimala kasi sa araw na 'yan. Buong buhay ko, first time ko maisipan magbigay ng flower sa babae, usually kasi cash ang binibigay ko, lels. Natutuwa ako sa tuwing nakikita ko yan, naalala ko ang bawat kilig, kaba, at pag-ibig sa araw na 'yan. Ang Daming mga mata ang nakatingin sa amin nung binibigay ko 'yan, sa MALL kasi...LOL

Question: When was the last time you ate chicken meat?

Answer:  Kaninang lunch. Silly nga ‘to, bakit mo gustong malaman kung kailan ako huling kumain ng chicken meat? Dahil gusto mong malaman kung poor ako o rich? Halluuuuueerrr, ano palagay mo sa akin FOOOOOOORRRRRRR??!! Everyday ako kumakain ng chicken meat, satisfied? lels

Question: What is the song that you last listened to?

Answer:  Only GOD knows why by KID ROCK - Isa ako sa nananampalataya sa galing ni Kid rock. My all time favorite, parang gusto kong umiyak at napapa-aawww!!!(ala sex bomb dancer) ako kapag naririnig ko ang kanta na itech. Sobrang nakakarelate kasi ako sa lyrics niya, lalo na kapag nakaupo ako sa inidoro...parang ganito ang pagkanta ko na mayroon utot sounds effect pa...

hayy I've been sittin here (vvvffffRRtttttt......!!)

tryin to find my self 

I get behind my self (vverrrrrrrrnnntttt...!!)

I need to rewind my self 

Lookin for the pay back (Brrrrrtttttttt....!!!)

Listen to the playback 

They said the every man bleeds just like me (ffffuuuurrrrrttttt....!!!!)

And I feel like number one

Yet I am last in line (beep...!! beep....!!)

Tapos maghuhugas na ako ng puwet.

Question: Do you have nicknames?

Answer: Mayroon, AKONI. Pero ung totoo ayaw ko sabihin, ang sweet ng post ko na ito, ayaw ko bumantot.

Question: What are you thinking while you're making this post? Be honest.

Answer:  Ganito pala sa blog sphere, nauuso din ang tag, LOLOL, at kunti lang ang tanong, walang silbi, bitin. hahaha

TAG A BLOGGER:

Wala, hanggang dito nalang para hindi na kumalat ang kasillyhan na ito.

Share

Akoni0609

Anak ng asukal, kung kailan birthday ko e tsaka pa lusaw ang utak. Kagabi ko pa sinusubukan magsulat ng blog para sa kaarawan ko, pero hanggang ngayon wala parin maisip. Buti nalang nandyan si mama para sa akin at mga kaibigan ko na gumawa ng sulatin, kaya bilang ganti sa mga nakakatouch nilang liham, feature sila dito sa Akonilandiya.

Si Jarah, asawa ng buddy ko my best friend. ABNKKSuLat KNPL, maraming salamat din dito sa sulat mo. Syempre tandang tanda ko pa ang araw na una tayong nagkita, feeling close ako kasi feeling close ka din, bleh gantihan lang yan, haha, at ang pinangako ko sa'yo, ano pala yon? Hahaha.

Dahil sa wala kang blog site, paste ko nalang dito sulat mo, ito na, basa.

Akoni,

Dahil mahilig kang mag sulat at kaarawan mo ngayon magsusulat ako para sayo. Hehe!

Una sa lahat nais ko munang pasalamatan ang Ina na siyang nagsilang sayo dito sa mundo. Sempre bilang isa rin ina na gaya ng Ina mo (parang mura to ah,hehe). Napakalaking sakripisyo at madugong pakikipaglaban ang isilang ang isang anak na gaya mo sa mundo (parang demonyo ang isinilang? Yon ang gusto mong palabasin? Ha? haha). In behalf of the birthday boy, ante, mama, ina, mommy, dada, (Ang dami ah, haha) maraming maraming salamat po dahil isinilang niyo sa mundong ito si Akoni, kung di po dahil sa inyo hindi magkakaroon ng buddy ang asawa ko. kung wala din po kayo walang isisilang na Akoni sa mundong ibabaw (at walang magiging taga pagligtas *insert voltes five theme song*). Nag iisa lng po ang inyong anak, walang katulad! (Naks, 100 points 'to)

Dahil nga birthday mo ngayon ilalaglag na kita este, ibubuking! ay! hindi pla (gulo mo ah)..Magkukwento ako kung pano tayo nagkakilala. Alam niyo naman na c Akoni, ang matalik (Katalik) na kaIBIGAN ng asawa kong c Jashim.. haaay... I love you dear ko (may bayad 'to, nagpromote ka pa). anywy, more than 3 years na bago kami magkakilanlan sa personal (nagtatampo ako nun kay bud, tinatago ka? biruin mo, after 3 years saka ka niya pinakilala sa akin? my gulay). Nong magkita kami, abah! parang close na close na kami, feeling close kasi!(Kasi ganun ka din, alam mo naman ako, hunyango, kung saan madikit, un na kulay ko) joke bo... yon nga tawanan kami to the max idagdag mo pa jan yong isa pa nilang kaibigan na c Amino (I miss him) grabe kung makapagbiro, kaya tawa kmi ng tawa. kwentohan kmi ng kwentohan hanggang sa napag usapan na rin namin yong naging GF (kamusta na siya? Lels) niya non na mas nauna ko pang nakilala at naging kaibigan sa sandaling panahon.

Hanggang sa naging close na nga kmi ni budz sa txt. kasi isang beses lng kami nagka bonding at hindi na nasundan sa mga panahong iyon (busy you, busy me). So, txt txt kami, txtan dito txtan jan (txtant everywhere)! Kung ano ano na ang napagkukwentuhan namin at napag usapan, sa amin lng yon at ng asawa ko kung anong napag usapan namin (ano nga yon eh). But, what I really like sa napag usapan namin is when he promised me something (Oh my god, lels so gay). I don't know if he could still remember that (naghahang na utak ko). pero, sa akin sariwang sariwa pa (Dalhin na yan sa Mercado habang sariwa pa) ang mga iyon sa alaala ko. and I admired him for that kasi napang hawakan niya ang promise niya sa akin na magbabago na siya (slight lang, pwedi naman diba?), and I'am so proud of him (Thank you, ahem). In our 2nd bonding is his wedding day, talagang pinapatunayan niya na nagbago na nga siya. He kept his promise to me (yes?).

Budz, I wasn't able to say that am proud of you... dapat sa araw ng kasal mo sana. pero sadiya na seguro ito, mas maganda na ngayon kasi it's your day.. That was April 2008 when you made your promise and on April 2010 in your wedding day when you made us believe that you could keep a promise (naiyak na me). Thanks to mareng Norj (I love you so much my heaven) dahil isa siya sa nagpatunay na kaya mong magbago.

I told you dear ko... KAYA NIYA! He's the man! (I told you too buddy, I am the man and you're the lady, ahuh, ahuh, ahuh, I like it, ahuh)

HAPPY HAPPY BIRTHDAY BUDZ! In behalf, of my husband who is in the office right now! Happy happy Birthday Buddy! (Maraming salamat Jarah)

Jajajajarah

Sa lahat ng bumati, sa twitter, sa facebook, sa blog sphere, maraming maraming salamat!

Share

KM2: Kuyukot

Ito ay opisyal na sahog lahok sa pautot pakontes ni Sir Kulisap, bosohan mo dito.

Nangangalumata ako ngayon dahil sa puyat, ang sama kasi ng panaginip ko. Pumasok daw ako sa isang yungib na punong-puno ng pulot-pukyotan at mga nagkalat na patay na dikya, hindi ko na pinansin ang mga ‘yon,   sumigaw nalang ako ng “hellooooo…” dahil gusto kong marinig ang alingawngaw sa loob ng yungib. Tuwang-tuwa ako sa aking ginagawa dahil parang kinakausap ko ang aking sarili.

Sa aking pagsasaya, biglang may narinig akong halinghing. Hindi ako sigurado kung anu ‘yon, kaya hinanahap ko ito sa loob ng yungib. Nagulat ako sa aking nakita, sigurado ako, ito ‘yong sinasabi ng mga matatanda, ito ‘yong sinasabi nilang manananggal.

Habang pinagmamasdan kong unti-unti nahahati ang katawan sa dalawa, nakita ko sa kanyang mukha ang pait at pagdurusa, parang may panibugho siya sa may Kapal. Nakikita kong lumuluha siya habang nag-iiba ang anyo, hindi ako banal na tao, inaamin ko na maraming peklat ng kasamahan ang nasa katauhan ko, pero naramdaman ko na sinisisi niya ang mga tao.

Ilang sandali ay napasigaw ako dahil biglang nagkasalubong ang paningin namin, natulero ang utak ko, nag-ipon ng lakas at buong lakas akong tumakbo papalayo, pero kahit anong bilis ko ay parang nasa likod ko lang ang manananggal. Sumisigaw na ako, “tuuulllooooonnngggg…” lalo ko pang binilisan ang pagtakbo ko. Sa aking pagtakbo naalala kong may nakasukbit palang itak sa aking bewang, huminto ako at hinarap ang manananggal sabay hugot sa aking matalim na itak.

“Hindi mo ba ako nakikilala? Kayo ang may gawa nito sa akin, ako ang minsan ay tinatawag niyong maharlika, tapos na ang pagbabanal-banalan ninyo, oras na ng paghihiganti…” Marami pa sana siyang sasabihin sa akin, ngunit bigla nalang ako nagising, dahil narin sa sobrang takot sa kanya.

Napausal ako ng luwalhati sa dios ng magising ako sa aking pagkakatulog, salamat at panaginip lang ang lahat. Naupo ako at lugami na naman ang namutawi sa aking isipan, “bakit ‘yon ang napanaginipan ko? natulog ako kanina na adhika ang numero ng lotto ang mapapanaginipan ko, perooo…”.

Tumayo nalang ako sabay kamot sa aking kuyukot dahil pati ‘yon ay pinagpawisan, inamoy ko na rin, yaks, kaya naligo ako.

Share

Ang alamat ng tsokolate

WARNING: Sobrang haba

Nagsimula ito nung unang panahon, may isang prinsepe na sobrang in love sa isang prinsesa, ito ay si Prinsepe Lateef at ang kanyang iniirog na prinsesa ay si Prinsesa Tsoko.

Tapat at wagas ang pag-ibig ni Prinsepe Latef kay prinsesa Tsoko, ang kaso torpe si Prinsepe Latef pero hindi 'yan ang problema. Ang problema ay si Prinsesa Tsoko dahil wala siyang nararamdaman na pag-ibig kay Prinsepe Latef, hindi niya ito pinaglalaanan ng kahit kunting oras, o kahit pag-isipan man lang.

Dahil dun parang winawasak ang puso ni Prinsepe Latef tuwing inaayawan ng prinsesa ang imbetasyon niya na mamasyal sila sa mga malls at manood ng sine.

Isang araw, pinatawag ng prinsepe ang kanyang kanang kamay na matalik na kaibigan din, si Almondy.

Prinsepe Latef: kaibigan Almondy, malaki na talaga ang problema ko, tulongan mo ako.

Almondy: Kaibigan prinsepe, ano ba ang problema?

Prinsepe Latef: Halos limang taon ko na nililigawan si Prinsesa Tsoko ng kabilang kaharian, pero hanggang ngayon ay hindi ko parin magawa na mahalin niya ako. Gusto naman siya ng aking amang hari at inang reyna, at ganun din naman ako sa kanyang mga magulang, subalit wala silang magawa dahil mismo ang prinsesa ang umaayaw sa akin, magiging emo daw siya kapag pinilit nila, kakatakot ‘yon, ano ang pwedi mong imungkahi sa akin oh aking kaibigan?

Almondy: Oh aking kaibigan, nakakarupok ng damdamin yan suliranin mo, pero sabi nga nila dapat 'wag kang sumuko dahil habang may buhay ay may pag-asa, subukan mo kaya humingi ng payo kay ate charo?

Prinsepe: Nagawa ko na 'yan kaibigan, pero walang nagawa si ate charo dahil hindi daw niya linya ‘un.

Almondy: Kay saklap naman niyan parekoy, bakit hindi mo nalang kaya siya gayumahin?

Prinsepe: Gayumahin? paano?

Almondy: ‘yong tita ko, isang witch 'yon pero hindi bitch. Hingi tayo sa kanya ng gayuma or magpagawa tayo ng gayuma sa kanya.

Prinsepe: Sige, sige, ako'y natutuwa at may paraan pala para ibigin din ako ni Prinsesa Tsoko. Kahit ano gagawin ko, kahit ipatanggal ko pa ang bayag ko basta ibigin lang ako ng prisesa.

Almondy: Kung ganun, sa isang araw mga 7:04 am sharp, sunduin kita sa gate niyo, sasakyan ko na ang gamitin natin para hindi ka mahalata ng mga tao sa bayan.

Prinsepe: Pero may air cone ba ang sasakyan mo?

Almondy: naman...Oo naman, bagong model un ng HONDA noh...

Pagsapit ng araw ng usapan nila sinundo ni Almondy si prisepe Latef at dinala sa kanyang tita na witch pero hindi bitch.

Almondy: Tita kong witch pero hindi bitch, nandito na po ang prinsepe, kailangan niya po ang iyong tulong. (napaluhod bigla ang witch pero hindi bitch at bumati sa prinsepe)

Witch pero hindi bitch: Mahal na prinsepe, ikinagagalak ko po ang iyong paglapit sa akin, ano po ang maipaglilingkod ko sa inyo?

Prinsepe: Humayo ka witch pero hindi bitch, gusto ko gawaan mo ako ng isang gayuma, para ibigin ako ni prinsesa tsoko.

Witch pero hindi bitch: Masusunod po mahal na prinsepe, subalit mayroon pong dapat ihanda upang mabuo ang aking mahika.

Prinsepe: Hanoow yowwnn?

Witch pero hindi bitch: Alam ko na po ang kwento tungkol sa suliranin niyo, nasabi na sa akin ni Almondy. Kakailanganin ko po ang...

1. Pawis ng isang taong may sipag at tiyaga

2. Buhok ng isang taong madaldal,

3. Laway ng isang taong bolero,  

4. Bigote ng isang taong magaling magsinungaling, at

5. Pilik mata ng isang taong may malinis na puso.

Prinsepe: Masusunod, Almondy, ikaw ang lubos na nakakakilala sa mga tao sa bayan, pumaroon ka at kunin mo ang mga pinapakuha ni witch pero hindi bitch.

Almondy: Masusunod po kaibigan prinsepe.

Makalipas ang ilang oras dumating na si Almondy, nakuha niya ang lahat maliban nalang sa isa.

Witch pero hindi bitch: Almondy, nasaan ang pilik mata ng isang taong may malinis na puso?

Almondy: Tita, 'yan lang ang hindi ko alam, hindi po ako diyos para malaman kung anu ang nasa puso ng isang nilalang, tangin diyos lang po ang nakakagawa nun, kaya hindi ko po mahusgahan ang mga tao kung alin sa kanila ang may malinis na puso, ayaw ko pong maging mapanghusga, bad 'yon.

Prinsepe: may tama ka Almondy, subalit ano na?! Hindi makukumpleto ang formula, paano na itech?

Witch pero hindi bitch: Kamahalan, hindi na po problema un, damihan nalang natin ang laway ng isang taong bolero at kunting dagdag pa ng bigote ng taong sinungaling. Taong may kunting kalokohan , sense of humor ba, yon nalang ipakuha mo kay Almondy.

Witch pero hindi bitch: Almondy, mag-ingat ka sa pagkuha ng pilik mata ng taong may kunting kalokohan at may malakas na sense of humor ah…baka ‘yon corny ang makuhaan mo.

Muli naman pumunta sa bayan si Almondy para kumuha ng Pilik mata ng isang taong malakas ang sense of humor at may kunting kalokohan.

Nakompleto na ang mga ingredients kaya sinimulan na ng Witch pero hindi bitch ang kanyang orasyon, hanggang sa matapos na niya ito, pero nabahala ang prinsepe...

Prinsepe: Witch pero hindi bitch, ako'y nababahala, baka hindi ito umipekto sa prinsesa, dahil sa pinalitan natin ang orihinal na ingredients.

Witch pero hindi bitch: Huwag kang mag-alala, ang intention naman natin ay lituhin ang isip't damdamin ng prisesa. Kapag nakain niya yan, malilito ang kanyang emosyon, at dun ka magkakaroon ng pag-asa dahil kapag nalito na siya, bibigyan ka na niya ng oras para pag-isipan. Magtatalo ang kanyang utak at puso, mag-iisip siya at papakiramdaman ang kagustohan ng kanyang puso, dun kana magkakaroon ng pag-asa, un ang paraan para makita niya ang tunay na ikaw, ang tunay na umiibig sa kanya at mabubuksan na ang kanyang puso para sa’yo. Kaya dapat siguradohin mong wagas ang pagmamahal mo talaga sa kanya bago mo ipakain yan sa kanya, para kapag nalito na siya at nag-isip, yon ang makita niya, ang iyong tunay na pagmamahal sa kanya.

Prinsepe: Mahusay Witch pero hindi bitch, maraming salamat.

Almondy: Kaibigan prisepe, kakaiba ang pagkain na yan, baka hindi tanggapin ng prinsesa, dapat may ipangalan ka dyan na kaakit akit sa kanya.

Prisepe: lagi ka talagang may tama Almondy, hindi ako nagkamali sa pagpili sayo bilang kanang  kamay ko, i love you p're.

Almondy: (pabulong) eewwwneesss...

Prisepe: Bweno, nabuo ito dahil sa pag-ibig ko kay prinsesa Tsoko at dahil din sa kagustohan kong makamit ang kanyang pag-ibig, kaya tatawagin ko itong, TSOKOLATE!

WAKAS

Share