Blog-ibig page18

Sa nalalapit na pagtatapos ng blog-ibig…

*Ka-tshinngggggggg!!!!!!*

Ilang araw na akong walang ganang pumasok sa skul. Pero dahil Pilipino ako at masipag mag-aral, pumapasok parin ako, at sayang din kasi ang baon ko.

Isang araw, matamlay parin ako pumasok sa room namin, diretso agad ako sa akin upuan. Nasulyapan ko agad si Kamil dahil magkatabi lang ang upuan namin sa unahan, pero nagtaka ako dahil maaliwalas ang kanyang mukha, blooming siya at parang lalong gumanda, kaya napapasulyap ako sa kanya ng paulit-ulit.

Napansin niya ang mga titig ko na walang halong malaswa, kaya napa-smile siya, hindi ko alam pero parang gumaan ang pakiramdam ko. Iniwas ko ang mga mata ko sa kanya, pumikit ako para kyut, pilit na hinahanap ang sakit at galit na naramdaman ko ilang araw na nakakalipas at sa kasalukoyan, pero wala akong mahanap sa loob ko o kahit saan sulok man ng katawan ko na galit o sakit kay kamil. Nilamon ng kanyang ngiti ang nararamdaman kong galit at sakit sa kanya, napa-smile back tuloy ako sa kanya, *ka-chingggg!!!!!!!!!!!* J

Sinulyapan ko siya ulit, nakita kong pinaikot-ikot ang kanyang mata sa akin. Parang may gustong iparating na mensahe, natulero ako, kinabahan pero hindi natae.

“Pasuyo, paabot mo naman kay akoni” Dinig kong sabi niya sa kanyang katabi.

Iniabot naman sa akin ng amin klasmet ang isang notebook, nagtaka ako, naisip ko kung aanhin ko ang notebook na ito, napatingin ulit ako sa kanya, umikot na naman ang kanyang mga mata sabay tingin sa notebook.

“OMG, may gusto talaga siyang iparating na mensahe sa akin” sabi ng utak kong slow

At dahil nakakatakot na ang ikot ng kanyang mga mata, binuklat ko nalang ang notebook, may laman at hindi palaman kundi isang love letter, ayyyeeeee, *ka-chingggg!!!!!!* J napangiti na naman ako.

Tamang tama wala pa ang first period titser namin, dahil delayed, kaya dali-dali akong pumasok sa amin health corner na minsan ay ginagawa namin ihian ang mga halaman sa loob.

Binuksan ko ang sulat,

Dear Akoni,

Una sa lahat gusto kong mag-sorry sa’yo...I am sorry.

Binabawi ko na ang sinabi ko sa’yo, ayaw kong makipag-cool off sa’yo. Napagtanto ko na mahal na nga talaga kita, (pause) (kilig mode)...alam ko, mali ang nagawa ko pero sana maintindihan mo ang dahilan kung bakit nangyari ‘yon.

Huwag kang mag-alala, makikipaghiwalay din ako sa kanya. Hahanap lang ako ng tamang oras, sana ay maitindihan mo ulit din ito. Please, smile ka naman sa akin pagkatapos mo ito mabasa, namimiss ko ang iyong mga ngiti.

mahalkoIKAW!

Kamil

Mahal parin daw niya ako, napatunayan daw niya sa kanyang sarili. Pero magiging dalawa kaming boyfriend niya ni Musingan? Basta kukuha na lang daw siya ng timing at makikipag-break kay lalakeng branded, hehehe, inulit ko lang ang laman ng liham niya.

Lumabas ako sa health corner namin na minsan ginagawa namin ihian, diretso agad ang aking kaluluwa sa mga mata ni Kamil, eye to eye at smile to smile kami, kaya naramdaman ko na naman ang love to love.

Bumalik ako sa akin upuan na may napakatamis na ngiting nakaguhit sa aking mukha, at panay kislap ng mga ‘to, *ka-chinggggg!!!!!!!* *Ka-chinnggg!!!!!!* *Ka-chinggg!!!!!!!* J

itutuloy pa ng kunti...

Share