Blog-ibig page19

last 3 pages nalang....

bakit...?

Sumang-ayon, naghintay at umasa ako sa plano ni Kamil na hahanap ng tamang pagkakataon para hiwalayan si Musingan. Ayos lang sa akin na dalawa kaming kasintahan niya. Basta ang importante sa akin ay mahal niya ako, kahit maryoon akong kalaro sa kanyang puso.

Lumipas ang maraming araw, wala parin nangyayari sa sinasabi niyang makikipag hiwalay siya kay Musingan. Parang ang nangyayari ay sa papel (love letters) lang niya ako boyfriend at mahal, at sa realidad si Musingan ang boyfriend niya.

Minsan naiisip kong gibain ang pagmumukha ni Musingan, pagpalitin ang wetpaks niya at mukha niya, pero hindi ko magawa, dahil takot ako makipag-away, kasalanan ng mga magulang ko ito, hindi nila ako pinalaki na palaaway o basagulero.

Dahil sa amateur pa ako sa pag-ibig, hinayaan ko nalang ang lahat, hindi ko alam ang gagawin ko para maging akin lang siya. Hindi na ako tumatambay sa school, after ng class diretso na ng bahay at hindi na ako nagpunta ng school noong linggo ng wika at Nutrition days.

Bakit pa? Ayaw kong nakikitang lagi niyang kasabay si Musingan. Masasabi kong isa akong hangal at bobo dahil pinabayaan ko sila, ‘yun ang pagkakamaling nagawa ko dahil hindi ko nagawang ipaglaban ang pag-ibig ko sa kanya. Umasa akong siya mismo ang pupunta sa akin, pero huli na ang lahat tuluyan nang nahulog ang loob niya kay Musingan at nalubog na sa kumonoy ng kadiliman ang pag-ibig niya sa akin.

Lumipas ang maraming taon, 2090 na, hehehe. Lumipas ang maraming araw, patuloy parin ang mga lakad nila ni Musingan. Kahit anong ginagawa nila ay nalalaman ko, mapa-grupo, mapadalawa lang sila, mapa-public at mapa-private, nalalaman ko lahat, and when I say lahat, as in lahat, you know. Alam mo ba kung bakit?

Dahil pinsan ko si Musingan!

itsutsuLhuloy pa ng kaunti...

Share